Dje, lexuesit janë njohur me deklarimet e pasurive të disa prej politikanëve dhe zyrtarëve kryesorë në Shqipëri. Nisur nga situata e tyre delikate, redaksia jonë ka vlerësuar me kujdes momentin problematik të politikanëve tanë, të cilët të gjendur në vështirësi ekonomike, nga sa deklarojnë, kanë qenë të detyruar të marrin kredi në banka.
Menduam që ndihma më e madhe që mund t’u jepet në këtë rast, është hapja e një ”llogarie bankare”, paratë e së cilës do shkojnë për politikanët e mësipërm, në varësi të shumës që u nevojitet për të shlyer tërësisht kreditë e marra.
Ftojmë lexuesit tanë; studentë, pensionistë të apasionuar pas celularëve dhe ”Facebook”-ut, të rinj në rrethe, të rinj të bllokut, punonjës në administratë, politikanë pa kredi, madje edhe pedagogë, mjekë, profesionistë apo persona me aftësi të kufizuar, të japin kontributin e tyre, duke paguar nga 1 euro secili (ose 1300 lekë të vjetra), për të mbushur këtë ”llogari”.
Pagesa do kryhet duke votuar në sondazhin që do të hedhim: 1 Like, 1 Zemër, ose 1 Wow është e barabartë me 1 EURO.
Shpresojmë t’ia arrijmë këtij qëllimi të madh, që politikanët në pikë të hallit, t’i çojmë në nivelin ku ndodhet populli: në mirëqënie, luks, e pa kredi!/SHUPLAKA
KLIKO NË FAQEN E SHUPLAKËS NË FACEBOOK DHE NDIHMO ME BUJARI NJË POLITIKAN:https://www.facebook.com/shuplakacom/videos/298474397251998/
Discussion about this post