Të ndihmojmë Sirinë! Ky është një mendim që ka kaluar në mendjen e selcilit prej nesh pasi kemi parë pamjet e rënda të popullsisë civile atje. Fëmijë të gjumtuar, të pangrënë e të vrarë. Por pas dëshirës së mirë për të ndihmuar Sirinë vjen pyetja e dytë shumë e rëndësishme, si mund të ndihmojmë?
Vetëm dje ka patur një reagim për mbledhje fondesh për Sirinë. Nisma është lançuar dje nga Qendra për Bashkëpunim Ndërfetar dhe Kryqi i Kuq në qytetin e Elbasanit, ndërsa ka qenë xhamia lokale ajo që ka dhënë kontributin e parë prej 500 mijë lekësh apo 3,634 eurosh. Kjo fushatë do të zgjasë për rreth 10 ditë.
Sokol Lulgjuraj nga Qendra ndërfetare tha se të ardhurat që do të mblidhen do të dërgohen në Kryqin e Kuq Ndërkombëtar dhe Gjysmëhënën e Kuqe, që operojnë në Siri, “për të dhënë një ndihmë modeste për fëmijët sirianë, që kanë nevojë dhe ata që vuajnë nga pasojat e luftës”, raporton AP. (E.K/SHUPLAKA)
Discussion about this post