Edi Rama gjatë drekës në një familje minoritare greke në Dropull ka premtuar se të gjitha çështjet me Greqinë do të zgjidhen kur ai të zgjidhet përsëri kryeministri i vendit.
Rama theksoi se në Samitin e Natos e takoi kryeministrin grek Tsipras dhe foli gjatë me të, por me rëndësi është që do të gjendet një zgjidhje e plotë mes dy vendeve dhe se do të ketë një takim zyrtar në Athinë ose në Tiranë për çështje që janë lënë pas dore sikur të mos ekzistonin.
BISEDA:
Rama: Ne kemi borxhe ndaj minoritetit duke i lënë në qafë Vangjel Dulen për një kohë të gjatë. Na duhet të japim një shembull ekselent të marrëdhënieve shqiptaro-greke.
Banori: Të pashë në Samitin e NATO-s. Kokë më kokë me Tsipras.
Rama: Po ndenjëm gjatë. Unë nuk jam i lehtë, ti e di. Rrugës jemi. Besojmë që do të gjejmë zgjidhje për të gjitha çështjet. Ata kanë të drejtat e tyre të kërkojnë më shumë në disa çështje, por ne kemi të drejtën tonë të kërkojmë në disa çështje. Do të gjejmë ekuilibër. Do gjejmë zgjidhje të plotë dhe pastaj do të zhvillojmë një takim në Athinë ose në Tiranë. Janë lënë disa gjëra sikur nuk ekzistojnë. (J.V/Shuplaka)
Discussion about this post