“Të përshtatemi me kundërshtarin”, Flick ul presionin para Interit: Le ta shijojmë ndeshjen

Tekniku i Barcelonës, Hansi Flick, bëri analizën e tij para ndeshjes ndaj Interit në gjysmëfinalen e Champions.

“Unë do të doja të shihja skuadrën time duke u argëtuar, duke shijuar këtë ndeshje. Është një gjysmëfinale e Champions League dhe ju duhet ta shijoni. Nuk është çështje presioni, thjesht duhet të argëtoheni dhe të shijoni çdo moment. Shpresoj që të luajmë si një ekip i bashkuar”.

Rikthehet Lewandowski: “Mendoj se është më mirë për të të fillojë nga pankina, por është gati, e ka treguar edhe në stërvitje këto ditë. Mendoj se pas kësaj periudhe jashtë për shkak të dëmtimit, nuk është gjëja më e mirë për ta nisur. Ndoshta do të fillojë herën tjetër kundër Realit”.

Për Yamal: “Ne gjithmonë flasim për Lamine, ai është një lojtar fantastik, është një gjeni. Ajo që ai po bën me topin është vërtet e pabesueshme. Edhe në një ndeshje të rëndësishme si ajo e javës së kaluar, ai na riktheu në lojë me mënyrën e tij të lojës. Por ne kemi lojtarë të tjerë fantastikë, si Pedri dhe Raphinha”.