Të plagosurit e sulmit në Manchester janë viztuar në spital nga kryeministrja britakike Theresa May. Nga sulmi i para dy ditëve në Angli, në koncertin e Ariana Grandes mbetën të plagosur 119 persona ndërsa vdiqën 22 të tjerë.
Foton e kryeministres e ka ndarë në rrjetet sociale njëri nga vllezërit e vajzës së plagosur, duke u shprehur se vajza e ka kaluar operacionin me sukses.
“Evie doli nga një operacion i suksesshëm në këmbën e saj natën e kaluar, ajo do të ketë nevojë për një tjetër të enjten, por është duke u bërë mirë!’’, shkruan vëllai.
Që prej momenteve të para kur ndodhi sulmi kryeministrja britanike ka shprehur solidaritetin e saj me familjarët dhe ka premtuar që do të zbardhen të gjitha rrethanat e ngjërjes tronditëse. (E.K/SHUPLAKA)
Discussion about this post