Të reja nga Kryesia e PD-së, hidhet poshtë kërkesa e grupit “Anti-Basha” për ndryshimin e rendit të ditës

Në mbledhjen e Kryesisë së Partisë Demokratike, sapo është hedhur poshtë kërkesa e grupit “Anti-Basha”, për të ndryshuar rendin e ditës. Anëtarët e Kryesisë kanë votuar kundër kërkesës, ndërsa vetëm 11 vota kanë qenë pro. 

Sjellim në kujtesë se gjatë mbledhjes, grupi anti-Basha ka kërkuar ndryshim të rendit të ditës.

“Kryesia të anulojë procedurën e nisur për kryetarin e PD. Procedura për kryetarin e PD është anti statutore. Kërkesa për rend dite të hidhet në votim të fshehtë. Kjo kërkesë mbështetet nga 1/6 e anëtarësisë”, tha Gent Malko.

Ata që votuan pro propozimit të Malkos ishin:  

1-Majlinda Bregu,

2-Arben Ristani,

3-Gent Malko,

4-Tomor Alizoti,

5-Belind Këlliçi,

6-Zana Guxholli,

7-Arben Skënderi,

8-Arben Imami,

9-Jamaber Malltezi,

10-Sherefedin Shehu,

11-Valbona Mezini.

Kujtojmë se Kryesia e Partisë Demokratike është mbledhur në orën 19:00, ku po shqyrtohen kandidaturat për kreun e saj. 

Mësohet se për garën kanë aplikuar 8 kandidatë, mirëpo sipas Edi Palokës, i cili po drejton mbledhjen, vetëm dy kandidatë i plotësojnë kriteret. Ata janë Lulzim Basha dhe Eduard Selami. Kujtojmë se kandidatët janë Lulzim Basha, Eduard Selami, Erion Piciri dhe Astrit Sinanaj. Ndërsa Astrit Patozi u tërhoq nga gara. Emrat e të tjerëve nuk janë bërë të ditur.(D.D/Shuplaka)