Të rinjtë e Partisë Agrare Ambjentaliste në kodrat e qytetit mbollen rreth 120 pemë të llojit akacie. Po kështu ka qenë i pranishem edhe kryetari i kesaj partite Agron Duka i cili theksoi se nëpërmjet këtij akti simbolik synohet që të ndergjegjesohen të gjithë të rinjtë dhe jo vetëm ata që janë antarë të forumeve politike, për rendesinë e mjedisit dhe mbjelljeve të reja.
Duka është prononcuar edhe lidhur me zërat ne Partinë Demokratike për mospërfshirjen e kryetareve të partive aleate në listat e kandidateve për deputete të Partisë Demokratike. Ai tha se Basha nuk e ka shprehur zyrtarisht një gje të tille dhe se vendimi do të merret pas diskutimit me aleatët opozitare.
Kryetari i Partise Agrare Ambjentaliste theksoi nga Korça se në zgjedhjet e ardhshme parlamentare koalicioni do të jetë me Partinë Demokratike, ndërsa me e rëndesishme për Dukën është zhvillimi i zgjedhjeve të lira ç’ka sipas tij nuk mund të arrihet me këtë qeveri.
Partia Agrare Ambjentaliste në zgjedhjet e pjesshme vendore të kryera në Kolonjë nëntorin e kaluar është përfaqesuar me kandidatin e saj, Dritan Hajro, por nuk ka mundur të marrë besimin e qytetareve për postin e kryebashkiakut.
