Gjatë ditës së sotme, rreth orës 18:00 të rinjtë demokratë u ngritën në protesta për të kundërshtuar rritjen e çmimit të ujit të pijshëm. Vendim ky që u mor dy ditë më parë në mbledhjen e Këshillit Bashkiak.
Mirëpo televizionet informative, vazhdojnë të mos raportojnë protestat kundër kreut të bashkisë Erion Veliaj, duke censuruar kështu edhe protestën e të rinjve të PD-së. Në vend të kësaj, transmetuan dëgjesën publike të kryeministrit Edi Rama në Gjirokastër.
Ndërkohë sjellim ndërmend që mbledhja e dy ditëve më parë nuk filloi në orarin që ishte përcaktuar, pra në 18:00, por rreth 50 minuta më vonë. . Rritja e çmimit të ujit u votua me të gjitha votat e të pranishmëve, 25 anëtarëve të PS-së, 3 të PDIU-së, 2 të LSI-së dhe 1 të FRD-së. Ndërsa këshilltarët e PD-së bojkotuan mbledhjen.
Po ashtu, kujtojmë se televizionet informative nuk kanë transmetuar edhe një protestë tjetër që u zhvillua në fillim të këtij muaji, kundër ndërtimeve në zonën e ish-Parkut të autobusave. (D.D/Shuplaka)
Discussion about this post