Kryeministri Edi Rama zhvilloi sot një takim me sipërmarrës të rinj në teknologji, në qendrën “Tumo” në Tiranë. Në fjalën e tij kryeministri bëri me dije se qeveria do të vendosë në shërbim të ‘sturt-up-ve’ në fushën e inovacionit një fond Sovran prej 50 milionë euro për të nxitur aktivitetin e të rinjëve në këtë fushë.
“Prioriteti ynë është që këtë botë ta hapim dhe ta bëjmë të dukshme për të tjerët që t’ju krijojmë mundësi për të përfshirë më shumë njerëz. 150 start up vetëm me atë fondin e vënë në dispozicion të sfidës së inovacionit nuk janë pak, sikundër nuk janë pak edhe përpjekjet e bëra nga disa prej jush për të shkuar përtej atij rrethit të aktivitetit të tyre.
Ne kemi bërë një analizë që është e mundur që në planin tonë të veprimit 2021-2025 të vendosim një fond garancie sovrane për të gjithë ata që janë të përfshirë në këtë botë dhe dëgjova që kanë problem me institucionet financiare, një fond garancie prej 50 mln euro, që do lehtësojë financimet e aktiviteteve”, tha Rama.
