Krimet makabre me prerje koke janë shndërruar tashmë në skenarë të frikshëm që i hasim gjithmonë e më shpesh në kronikat e zeza të lajmeve përditësuese.
Një metodë mbase e huazuar më së shumti nga teknikat makabre që ISIS përdor në Siri, “e përqafuar” nga disa shqiptarë që me qëllim ose të pandërgjegjshëm kryejnë këto krime makabre duke shkaktuar panik tek të afërmit, fqinjët, e deri tek bashkëkombasit e tyre që i dëgjojnë këto histori si ngjarje të largëta të ngjashme me filmat horror.
Fillimisht ishte krimi i rëndë i shënuar jashtë territorit të Shqipërisë, në Greqinë fqinje, më 9 maj 2016 ku një i ri shqiptar, i identifikuar si Bledar Terpollari u vra brenda një kasolleje për shkak të pazareve të drogës. Teksa vijonin kërkimet për kokën e të riut nga Përmeti, policia greke vuri në pranga dy shtetas shqiptarë që tronditi opinionin publik vendas dhe atë fqinj.
Pak muaj më pas, një ngjarje edhe më e rëndë u shënua në Palasë të Vlorës. Kurban i krimit makabër u bë një 12-vjeçar, i cili kishte shkuar të kalonte pushimet verore tek gjyshërit e tij në Palasë.
Më 17 gusht 2016, Jorgo Zani 30 vjeç, i afërm i të miturit, i preu kokën 12-vjeçarit e më pas lëvizte me kokën e tij ndër duar. Ai u cilësua si i sëmurë mendor, pasi nga verifikimet e kryera rezulroi se ka qenë një herë i shtruar në Spitalin Psikiatrik të Vlorës në datat: 27 tetor 2015 – 05 nëntor 2015, me diagnozën “Çrregullime të theksuara të personalitetit” pasi ka qenë përdorues i lëndëve narkotike. Gjatë qëndrimit të tij në Greqi, ai të ishte kuruar edhe aty për vite me rradhë.
Në ato ditë, kur lajmi “ziente” ende, ai u shpreh: “Kisha 2 vjet që doja ta vrisja, ditët e fundit me thoshte “me vrit” dhe unë e vrava të bashkonim mendimet”.
Një krim kanibalesk i ngjashëm ishte ai i shënuar jo më larg se dje, kur 30-vjeçari Alban Voda i preu kokën bashkëfshatarit 66-vjeçar, me të cilin kishte pasur konflikt të hershëm. Krimi u shënua në fshatin “Ujë i Mirë” në Këlcyrë.
Edhe autori i kësaj ngjarje horror u raportua se ishte një person me probleme mendore dhe me precedent penal të mëparshëm.
30-vjeçari Voda, një ish-komando në Afganistan, ishte larguar nga ushtria në Tetor 2012, me kërkesë të tij. Gjatë periudhës së shërbimit, ka shërbyer përveçse në Afganistan, edhe në Kabul e Herat, konkretisht: në Kabul në 2010-2011 dhe në Herat në Janar-Korrik 2012.
Të sëmurë mendorë, që lëvizin të lirë, pa asnjë lloj kontrolli apo qoftë edhe kujdesi, të cilët përbëjnë vazhdimisht rrezik për atë që mund të shkaktojnë, e jo pak, por krime të mirëfillta makabre.
(XH.A/SHUPLAKA)
(Jorgo Zani, Alban Voda)
Discussion about this post