Presidenti Ilir Meta ka pritur sot një përfaqësi të Shoqatës së Fëmijëve dhe të Rinjve me Diabet. Ky takim vjen në kuadër të Ditës Ndërkombëtare të Diabetit.
Duhet thënë se personat me diabet prej kohësh vuajnë ccmimet e shtrenjta të fishave dhe mosrimbursimin e tyre.
Presidenti është njohur me problematikat dhe shqetësimet e këtij komuniteti dhe shprehu interes për njohjen më të gjerë të vështirësive që përjeton kjo kategori shoqërore.
Po ashtu Meta i garantoi përfaqësuesit e kësaj shoqate për institucionalizimin e një dialogu mes këtij komuniteti dhe institucionit të Presidentit, si edhe institucioneve përgjegjëse për ndjekjen e shqetësimeve të tyre. Përfaqësuesit e shoqatës e falenderuan Presidentin për vëmendjen dhe angazhimin institucional në vijimësi.
Pak ditë më parë edhe kryeministri Rama pati një takim me një vajzë të sëmurë me diavet dhe premtoi që nga viti i ardhshëm do të nisë rimbursimi i fishave.
(E.K/FAXWEB)
