Të shkruajmë saktë, titujt dhe emërtimet e funksioneve shtetërore

Nga Elja Hoxha: 

Të shkruajmë saktë emërtimet e funksioneve të larta shtetërore:

1. Emërtimet e funksioneve shtetërore, politike e ushtarake, të gradave, të titujve fetarë etj., shkruhen me shkronjë të vogël. Kështu kemi: ministrja e Arsimit, drejtoresha e Avokaturës së Shtetit, kryetari i Komisionit të Ligjeve, presidenti i Republikës së Shqipërisë, perandor Kostandini, mbretëresha Teuta, sulltan Murati Il; anëtari i Akademisë së Shkencave, doktor profesor Aleksandër Xhuvani etj.

KUJDES! Kur emërtimet e mësipërme janë bërë pjesë e pandarë e një emri të përveçëm, ato shkruhen me shkronjë të madhe: Baba Faja, Baba Tomori, Hoxha Tahsini, Kont Urani, Madam dë Stal, Princ Vidi, Nënë Tereza etj.

2. Emërtimet e funksioneve zyrtare e shoqërore më të larta, titujt më të lartë të nderit në RSH dhe emërtimet e urdhrave e të medaljeve shtetërore shkruhen me shkronjë të madhe (të gjitha fjalët që hyjnë në përbërjen e tyre, me përjashtim të nyjave). Po kështu veprohet edhe në rastet e ngjashme në kumtimet e në dokumentet zyrtare. Kështu kemi: Sekretari i Parë i Kuvendit të Shqipërisë; Kryetari i Nderit i Akademisë së Shkencave, Heroi i Popullit, Mësuesi i Popullit, Artisti i Popullit; Urdhri i Klasit të Parë, Urdhri i, Lirisë; Urdhri “Naim Frashëri”; Medalja e Trimërisë; Medalja e Punës etj.