Të shpallur në kërkim për vjedhje banke dhe dhunë në familje, arrestohen nga policia dy persona

Ditën e sotme policia e Sarandës dhe ajo e Vlorës kanë arrestuar dy persona, të cilët prej kohësh kanë qenë në kërkim.

Në portin e Sarandës është bërë arrestimi i shtetasit G.P., 33 vjeç, banues në Tiranë, ai akuzohet për G.P., 33 vjeç, banues në Tiranë, ai akuzohet për veprën penale “Dhunë në familje”.

Ndërkohë që  në portin e Vlorës është arrestuar shtetasi L.D., 52 vjeç, banues në Shijak, Durrës, i cili akuzohet për “Vjedhje banke në bashkëpunim” dhe “Prodhim dhe mbajtje pa leje të armëve luftarake dhe municioneve”.

Njoftimi i ploicisë:

Vlorë

Policia Kufitare kap 2 persona në kërkim, njërin në Portin e Sarandës dhe tjetrin në Portin e Vlorës!

Më datë 13.07.2017, Drejtoria Vendore e Policisë Kufitare Vlorë, në kuadër të shtrëngimit të masave të marra në pikat e kalimit kufitar përgjatë gjithë bregdetit të Vlorës me qëllim kapjen dhe arrestimin e personave në kërkim por edhe të personave në flagrancë të cilët paraqesin rrezikshmëri për shoqërinë, është bërë e mundur kapja dhe arrestimi i shtetasve të mëposhtëm:

G.P., 33 vjeç, banues në Tiranë.

Shërbimet e Policisë Kufitare kanë bërë të mundur kapjen e këtij shtetasi në Pikën e Kalimit Kufitar Sarandë, pasi nga verifikimet e kryera ka rezultuar se ky shtetas ishte në kërkim për veprat penale “Vjedhje banke në bashkëpunim” dhe “Prodhim dhe mbajtje pa leje të armëve luftarake dhe municioneve”, parashikuar nga nenet 136/2, 278/134/2 të Kodit Penal.

Vepra penale të ndodhura në Tiranë, për të cilat është dënuar me 4 vite burg.

L.D., 52 vjeç, banues në Shijak, Durrës.

Shërbimet e Policisë Kufitare kanë bërë të mundur kapjen e këtij shtetasi në Pikën e Kalimit Kufitar Vlorë, pasi nga verifikimet e kryera ka rezultuar se ky shtetas ishte në kërkim për veprën penale “Dhunë në familje”, parashikuar nga neni 130/a i Kodit Penal.

Dhunë fizike dhe psikologjike ndaj bashkëshortes së tij, shtetases L.D

(S.SH/Shuplaka)