Të shtëna me armë zjarri tek ish- parku i Autobusëve, një polic i plagosur

 Një efektiv policie në Komisariatin nr.1 me iniciale E.B, është palgosur me armë zjarri pak minuta më parë tek ish Parku i Autobuzëve, raporton “Fax News”.

Forcat e shumta të policisë kanë mbërritur në vendin e ngjarjes nga ku ka nisur hetimi.

Agjenti i policisë po trajtohet në spitalin e Traumës. Ai është qëlluar në bark.

Informacion paraprak

Më datë 28.11.2017, rreth orës 19.35, në Sallën Operative ka ardhur një telefonatë se në rrugën “Kongresi i Lushnjes”, ka patur të shtëna me armë zjarri.

Menjeherë në vendgjarje kanë mbërritur shërbimet e Policisë dhe Ambulanca ku nga veprimet paraprake ka rezultuar se:

Në rrugën “Kongresi i Lushnjës”, tek ish parku i autobuzave përballë një lokali,  shtetasi E.B, rreth 33 vjeç,  punonjës policie i Komisariatit te Policise Nr 1 Tirane,  por jashtë orarit të sherbimit ka debatuar me dy shtetas banore të lagjes.

Në konflik e sipër njëri prej tyre ka qëlluar me armë zjarri ku për pasojë ka mbetur i plagosur shtetasi E.B.

Shtetasi E.B., është derguar në spital dhe ndodhet  nën kujdesin e mjekëve.

Grupi hetimor po  punon për sqarimin e plotë te rrethanave të ngjarjes dhe identifikimin e kapjen e autorëve.

(M.Q/Faxweb)