Një incident është shënuar ditën e sotme në Fushë Arrëz, ku ka patur disa të shtëna me armë. Ngjarja ka ndodhur rreth orës 11:15 të paradites së sotme, ku dy persona me iniciale B.Gj dhe B.Gj kanë qëlluar me armë drejt dy personave të tjerë të të njëjtit fis me inicialet P.Gj dhe E.Gj.
Për fat të mirë plumbat nuk i kanë kapur këta të fundit, ndërkohë që pas ngjarjes policia ka nisur hetimet.
DETAJET E POLICISË
Pukë- Fushë Arrëz
Informacion Paraprak
Më datë 11.08.2017, rreth orës 11:15, kemi marrë njoftim se në dalje të qytetit Fushë Arrëz, në rrugë, ka të shtëna me armë zjarri.
Nga informacionet paraprake behet me dije se shtetasit B. Gj. dhe B. Gj. kanë kanosur me armë zjarri (duke qëlluar në ajër), shtetasit P. Gj. dhe E. Gj. të cilët kanë qënë duke lëvizur me makinë.
Të dy palët e përfshira në konflikt janë banues në qytet Fushë Arrëz dhe në lidhje fisnore, ku mesohet se konflikti ka ndodhur për motive të dobëta edhe me pare.
U bë shpallja në kërkim dhe po punohet për kapjen e autorëve dhe zbardhjen e rrethanave të ngjarjes. (D.D/Shuplaka)
