Fax News raporton se të shtëna me armë zjarri janë dëgjuar në një lokal në zonën e Astirit në Tiranë. Paraprakisht dyshohet për një person të plagosur. Ndërkohë policia ka vendosur perimetrin e sigurisë në zonë., Ngjarja ka ndodhur vetëm pak minuta më parë.
Fax News ka zbuluar identitetin e 28-vjeçarit që mbeti viktimë mbrëmjen e sotme në zonën e Astriti.Bëhet e ditur se viktimë ka mbetur Vilson Tafçiu, 28 vjeç. Siç raporton gazetarja e Fax News, Denisa Mahmutaj, ai ishte duke pirë kafe në një lokal në zonën e Astrit, dhe është thirrur nga persona të tjerë dhe sapo ka dalë nga kafja është qëlluar nga persona ende të padientifikuar.
Mësohet se viktima ka qenë i shoqëruar me dy vajza në tavolinë në një lokal në rrugën Teodor Keko.
Ndërkaq policia njofton se janë ngritur pika kontrolli në të gjitha akset rrugore si dhe vijon puna nga grupi hetimor për sqarimin e rrethanave të ngjarjes, grumbullimin dhe fiksimin e çdo prove që do çojë në zbardhjen e ngjarjes, identifikimin dhe arrestimin e autorëve.
Tiranë /Informacion paraprak
Rreth orës 20.45, në Astir, në një rrugicë, në afërsi të një lokali, në rrethana ende të paqarta është plagosur me armë zjarri shtetasi V.T, rreth 28 vjeç, i cili më pas ka gjetur vdekjen.
Menjëherë në vendngjarje kanë shkuar shërbimet e Policisë, të cilat kanë bërë rrethimin e zonës në një perimetër të gjerë.
Janë ngritur pika kontrolli në të gjitha akset rrugore si dhe vijon puna nga grupi hetimor për sqarimin e rrethanave të ngjarjes, grumbullimin dhe fiksimin e çdo prove që do çojë në zbardhjen e ngjarjes, identifikimin dhe arrestimin e autorëve.
Discussion about this post