Të shtënat me armë në mes të qytetit në Shkodër, reagon policia

Të shtëna me armë janë regjistruar këtë të mërkurë në lagjen Parrucë të Shkodrës, ndërkohë që nuk raportohet për të plagosur.

Policia njofton se rreth orës 14:00, në vendin e quajtur Parruce, në rrethana ende të paqarta, dyshohet se një shtetas ka qëlluar në ajër me armë zjarri dhe është larguar me automjet .

Nga verifikimet e bëra nga policia nuk ka persona të dëmtuar.

Shërbimet e Policisë kanë shkuar menjëherë në vendngjarje së bashku me grupin hetimor  dhe vijon puna për sqarimin e rrethanave të ngjarjes, me qëllim identifikimin  dhe kapjen e autorit.