Të shtënat me armë zjarri në Tiranë pas një konflikti, policia jep detaje

Polici ka dhënë detaje në lidhje me ngjarjen e mbrëmjes së sotme në Tiranë ku pati të shtëna me armë zjarri dhe u raportua për 1 të plagosur nga mediat.

Sipas policisë ngjarja ka ndodhur në rrugën rrugën “Shefqet Musaraj”, shtetasi  L. L., rreth 35 vjeç (pronari i  lokalit) për motive të dobëta është konfliktuar me një shtetas tjetër ende të paidentifikuar, i cili gjatë konfliktit ka qëlluar me armë zjarri. Nga të shtënat nuk ka pasur të lënduar.

Njoftimi i policisë:

Tiranë

Informacion Paraprak

Më datë 17.09.2018, rreth orës 21:10, në një lokal në rrugën “Shefqet Musaraj”, shtetasi  L. L., rreth 35 vjeç (pronari i  lokalit) për motive të dobëta është konfliktuar me një shtetas tjetër ende të paidentifikuar, i cili gjatë konfliktit ka qëlluar me armë zjarri.

Nga të shtënat nuk ka persona të lënduar.

Është shoqëruar në Komisariat për veprime të mëtejshme hetimore pronari i lokalit, shtetasi L. L., dhe po punohet për identifikimin dhe shoqërimin e shtetasit tjetër të përfshirë në konflikt.

(B.H/Faxweb)