Të shtënat në Laç pas një sherri, Policia jep DETAJE

Disa të shtëna me armë zjarri janë dëgjuar mbrëmjen e sotme në qytetin e Laçit. Sipas policisë bëhet fjalë për një sherr që ka ndodhur mes dy personave ku njëri prej tyre ka qëlluar dhe është larguar.

Sipas informacionit paraprak Me datë 21.11.2017, shtetasi P. K. 39 vjeç, ka bërë kallëzim në Komisariatin e Policisë Kurbin se ka pasur një konflikt me shtetasin Z.Ll. 33 vjeç, para makinave të tyre në Laç.

Më pas shtetasi P.K. është larguar për në shtëpi dhe tek hyrja e pallatit ka dëgjuar të shtëna me armë zjarri ku pretendon dhe dyshohet se shtetasi Z. Ll. ka gjuajtur në ajër.

Në vendngjarje është gjetur dhe sekuestruar në cilësinë e proves materiale një gëzhojë .

Grupi hetimor në bashkëpunim me Prokurorinë e Rrethit Gjyqësor Kurbin ndodhen në vendngjarje për hetime të mëtejshme të sqarimit të rrethanave të ngjarjes.

Vazhdon puna për kapjen e shtetasit Z.Ll për hetime të mëtejshme.

(B.H/Faxweb)