Të shtënat në Vlorë, ja kush është i plagosuri (Emri)

Një ngjarje e rëndë ka ndodhur mbrëmjen e sotme në Vlorë, ku si pasojë e disa të shtënave me armë, ka mbetur i plagosur një person.

Sipas të dhënave të para mësohet se ngjarja ka ndodhur në lagjen “24 maj” të Vlorës në një lloto sport ndërsa i plagosuri është shtetasi Aleksandër Vasili.

Mësohet se ngjarja ka ndodhur pas një sherri banal, e si pasojë ka mbetur i plagosur një 26 vjeçar, i cili është jashtë rrezikut për jetën.

Pas ngjarjes në Vlorë, Policia ka shoqëruar 4 persona që kanë qenë dëshmitar. Konflikti ka ndodhur brenda ambienteve të llotos, ku fillimisht janë përplasur fizikisht me njëri-tjetrin, më pas kanë dal jashtë ku dhe ka ndodhur plagosja me armë. Mësohet se dy personat e përfshirë në sherr kanë qenë të njohur me njëri-tjetrin.

Policia ka shkuar në vendin e ngjarjes dhe po punon për zbardhjen e plotë të saj.

(B.B/ Faxweb.al)