Njerëz që vraponin të tmerruar, btitma, gjak dhe njërëz të shtrirë në tokë, ky ishte bilanci i sulmit me bombë që ndodhi në koncertin e Ariana Grandes në Manchester. Nga ky shpërthim mbetën të vdekur 19 persona dhe u plagosën rreth 50 të tjerë.
Në rast se konfirmohet ky është sulmi terrorist më i madh që ka ndodhur në Britani në dekadën e fundit. Vetë këngëtarja shprehu keqardhjen për sulmin e ndodhur ku nuk mungoi që të tregonte tmerrin ‘’jam pa fjalë’’.
Ngjarja ka shkaktuar shumë panik jo vetëm te të pranishmit në koncert po dhe te gjithë populli britanik.
Ndërkaq i menjëhershëm ka qenë dhe reagimi i kryeministres britanike Theresa May. Ajo tha se: “Ne po punojmë për të vendosur detajet e plota të asaj që po trajtohet nga policia si një sulm terrorist i tmerrshëm.
“Të gjitha mendimet tona janë me viktimat dhe familjet e atyre që janë prekur”.
Edhe pse siguria është rritur ndjeshëm kohët e fundit në Britani dhe jo vetëm, sulmi ndodhi. Këtë mëngjes kryeministrja do të mbledhë shtabin e sigurisë në mënyrë që të ndërmerren masat e duhura për të evituar përsëritjen e rastit. (E.K/SHUPLAKA)
Discussion about this post