Kryeministri Rama ka reaguar sërish sot pas përplasjeve të djeshme të dhunshme tek Teatri Kombëtar mes artistëve, mbështetësve për ruajtjen e godinës dhe forcave policore.
Në një status në FB ai ka akuzuar kryedemokratin Basha i cili qe i pranishëm dje paradite dhe pasdite në mbrojtje të godinës ekzistuese të TK-së.
“Disa persona jetojnë vazhdimisht në luftë me të tjerët, me vetveten, me jetën e tyre!
Për këtë arsye shpikin vepra teatrale imagjinare, skenarin e të cilave e përshtasin me sikletet e tyre.
Paulo Coelho“, ka shkruar Rama në FB.
Ky i fundit ka thumbuar dhe bashkimin së fundmi të kryetarit të PD-së Lulzim Basha i cili ka deklaruar se do të nënshkruhet sot dhe një marrëveshje mes opozitës dhe Aleancës për Mbrojtjen e Teatrit Kombëtar duke ‘shtuar forcat’ në mbrojtje të kësaj godine.
Dje, gjatë gjithë ditës që nga orët e para të mëngjesit forca të shumta policore rrethuan Teatrin Kombëtar ndërsa ishte parashikuar që të boshatiseshin ambientet dhe të nisnin procedurat për shembjen.
Aktorë, intelektualë, por dhe shumë qytetarë të Tiranës u përplasën fizikisht me efektivët, ndërsa disa prej tyre arritën të futeshin brenda duke u ngujuar si akt rezistence. Në orët e mbrëmjes së djeshme, efektivë të FNSH-së por dhe të Policisë së Shtetit u tërhoqën duke ‘dorëzuar’ kësisoj dhe TK-në.
Discussion about this post