Kryeministri Edi Rama vijon reagimet e herëpashershme lidhur me debatin e për Teateritn Kombëtar, dhe njësoj si dje, ditën e sotme i është referuar një tjetër aktoreje të njohur e cila pajtohet me idenë e ndërtimit të Teatrit të ri aty ko ndodhet i vjetri.
Dje ishte Raimonda Bulku e cila sipas Ramës mbështeste shembjen e godinës, ndërsa kjo e fundit e përgënjeshtroi me një status në rrjetet sociale ndërsa sot, kryeministri ka përdorur një deklaratë të aktores, Drita Haxhiraj, e cila thotë ndër të tjera se vendi ku ndodhet Teatri ishte amaneti i aktorëve të mëdhenj shqiptar por jo godina.
“Ata donin vendin, territorin, por jo muret. Ky është amaneti i tyre! Ne jemi me ta, që teatri të bëhet i ri dhe modern, jo për të kaluar radhën apo për të përfituar ndonjë tjetër. Të jetë aty ku është, të ndërtohet bukur edhe t’u vlejë brezave të ardhshëm”, citon Rama fjalët e aktores Haxhiraj.
Ndërkohë Rama shkruan se Teatrit Kombëtar është një kapanon i ushtrisë italiane i mbetur nga komunizmi si karikatinë gjithnjë e më jodinjitoze.
Edi Rama status ne facebook
Aktorja e njohur Drita Haxhiraj, është ngjitur një jetë të tërë në skenën e Teatrit Kombëtar. Ajo bën pjesë tek shumica e komunitetit teatror që kërkon ndërtimin e një Teatrit të Ri Kombëtar në vend të kapanonit të ushtrisë italiane, i cili u kthye në teatër gjatë komunizmit dhe mbeti një karakatinë gjithnjë e më jodinjitoze, deri sot e gjithë ditën. Një gërmadhe që vetëm emrin ka teatër, e që as në ditët e veta më të mira nuk e ka lehtësuar, po e ka vështirësuar dhe dëmtuar aktivitetin artistik me kushtet e veta mizerabël, me hapësirat krejt të papërshtatshme për një teatër normal (lëre pastaj KOMBËTAR), me mungesën e mjediseve për aktorët e me radhë.
DRITA HAXHIRAJ:
Në atë godinë ruajmë kujtime të hidhura edhe të ëmbla. Godina është shumë e shtrenjtë për ne, është “Jerusalemi ynë”, siç ka thënë edhe Robert Ndrenika. Por duhet t’ju them se gjendja e saj fizike është e rëndë. Kur ne futeshim poshtë skenës për të kaluar në anën tjetër, atje kishte lagështirë dhe myk. Aty janë sëmurur shumë aktorë. Në vitet 1972-’73, Naim Frashëri, Violeta Manushi, Sulejman Pitarka diskutonin për të bërë një teatër të ri, sepse të gjithë po sëmureshin nga mushkëritë. Pjetër Gjoka u sëmur nga mushkëritë. Për mos t’ju thënë edhe të fundit, që për shkak të mushkërive është ndarë nga jeta kolegu dhe partneri që nga fëmijëria, Roland Trebicka. Vetë ata që e krijuan e ngritën si problem se duhet një teatër i ri. Ata donin vendin, territorin, por jo muret. Ky është amaneti i tyre! Ne jemi me ta, që teatri të bëhet i ri dhe modern, jo për të kaluar radhën apo për të përfituar ndonjë tjetër. Të jetë aty ku është, të ndërtohet bukur edhe t’u vlejë brezave të ardhshëm.
(F.GJ/FAXWEB.AL)
