Aktorja dhe këngëtarja e madhe shqiptare Justina Aliaj ishte e pranishme mbrëmjen e sotme në sheshin para Teatrit Kombëtar nga ku ka mbajtur edhe një fjalim të shklurtër dhe tepër emocionues sa herë pas here është ndërprerë nga duartrokitjet e qytetarëve që ishin prezent.
Aliaj përshëndeti rezistencën e artistëvve dhe aktivistëve dhe tha ndër të tjera se nuk është kundër të resë dhe modernes, por Teatri nuk duhet prekur dhe argumentoi se duhet të jetoje pafundësisht për atë çfarë i ka dhënë vendit.
Teatri duhet qëndis dhe jo të rrëzohet thotë ajo teksa shton se nëse është nevoja mund të ulet edhe në gjunjë për t’u lutur që të mos shembet.
“Jeni të nderuar, fjala e parë e fundit ka me qenë se ne paskemi ditë për kë me performojmë u drejtohet qytetarëve të pranishëm). Ju faleminderit shumë. Teatri Kombëtar për mua është i shenjtë, populli është i shenjtë, dhe të gjithë ne luftojmë për këtë vend të shenjtë, për këtë tempull.
Unë mbaj mend shfaqjen e fundit që kam mbajtur “Tartufi-n”, ka qenë një lumturi që nuk ma zinte zemra. Kaq bukuri dhe frymëzim më jepte ajo sallë sa është e papërsëritshme. Ato gurë e murë me të cilët është ndërtuar më dukej sikur më thonin, ‘po të mbajmë mbi shpatulla, dil e thuaje fjalën tëndë, dil e thuaj se çfarë kemi parë ne’, e – kështu do të jetojë pafundësisht ky Teatër.
Nuk e di, unë e dua shumë të renë, më pëlqen shumë dhe do doja të kishte pafundësisht teatro. Në mendjen time kam thënë 3 katër teatro të reja të ndërtohen, me 3-4 spitale, e ndoshta edhe azilet e pleqve e cerdhet e kopshtet sepse ata janë dy breza që nuk punojnë e presin prej jush, presin prej popullit.
Dhe në fund, me i ardh radha këtij Teatri me e qëndis dhe jo me e rrëzu. Është një kënaqësi e madhe dhe detyrim mos me vdek pa e thënë fjalën tëndë, dhe nëse është e nevojshme me e mbrojt, unë ulem në gjunjë për mos me e shemb Teatrin. Roza faleminderit që ke ardhur, është kënaqësi e madhe me pas miq, shokë e bashkëqëndrestarë si ju. Ju faleminderit shumë”, tha artistja e madhe shqiptare, Justina Aliaj.
(F.GJ/FAXWEB.AL)
