Tefik Hyka i shpëtoi një atentati pak javë më parë jashtë një lokali te “Komuna e Parisit” dhe duket se gjendja e tij shëndetësore është drejt përmirësimit.
Mirëpo pavarësisht ngjarjes dhe se dëshmia e tij do të hidhte dritë duket se biznesmeni ka vendosur që të mos flasë.
Hyka, sipas ‘GSH’ është shfaqur në një gjendje të rënduar psikologjike pas tejkalimit të rrezikut për jetën dhe nuk ka dashur që të shprehet për grupet hetimore.
Kujtojmë se ish-pronari i fabrikës së tullave në Vorë u qëllua me 4 plumba paraditen e 28 qershorit të këtij viti, teksa ndodhej i ulur në verandën e një lokali dhe nën shoqërinë e një mikut të tij.
Ngjarja ndodhi pranë stadiumit “Selman Stërmasi”, në kryeqytet. Për këtë ngjarje, policia i ka përqendruar hetimet te mundësia që shkak të jenë bërë borxhet që Hyka ka pasur, e sidomos gjatë kohës që ka qenë edhe pronar i fabrikës së tullave në Vorë.
Por, sipas policisë, përcaktimi i motivit të ngjarjes është tejet i vështirë, për faktin se konfliktet e tij kanë nisur që në vitin 1995, me vrasjen e Dritan Avdulit, i njohur si i forti i Shijakut, vrasje kjo e cila u pasua edhe me një sërë ngjarjesh të tjera.
(E.K/SHUPLAKA)
