Rreth një javë pas ndarjes nga jeta të këngëtarit Françesk Radi, bashkëshortja e tij Tefta Radi flet për herë të parë për dhimbjen që ka përjetuar për një humbje kaq të madhe.
Në një intervistë për “Report Tv”, Radi rrëfen gjithashtu se si u njohën ata para shumë vitesh në Fushë Arrëz.
“Vitet e Fushë Arrëzit vërtetë vite të vështira. Isha vetëm 22 vjeç. Dilja për herë të parë nga shtëpia, në një terren të thyer me klimë të ashpër, por do të ishin dhe ditët më të bukura sepse u njoha me Fankun. Ai vajti direkt në Festivalin e 11, unë kam vajtur dy vite më vonë. Ishte një dashuri pa interes në një kohë kur shumë kush e përndiqte ose i thoshte do t’i biesh kitarës kur të të themi ne”, tregon Tefta Radi.
Këngëtari u nda nga jeta më 3 prill të këtij viti, në moshën 67-vjeçare, në spitalin “Nënë Tereza” në Tiranë ku ishte shtruar pas një hemorragjie cerebrale. (D.D/Shuplaka)
