Vrasja e Artan Cukut tronditi jo pak familjarët, miqtë po edhe qytetarët e thjështë. Të vritet një njeri i policisë në derën e shtëpisë është shumë e rëndë për sigurinë e këtij vendi.
Ish-drejtori i Policisë së Tiranës, Tonin Vocaj si një ndër miqtë më të afërt të Artan Cukut është i bindur se vrasja e tij lidhet me veprimtarinë e tij që ka kryer në polici, duke përfshirë edhe incidentin në komisariatin nr 5 në vitin 2005.
“Unë me Tanin takoheshim shpesh dhe ishin të rralla ditët që ne të mos kemi biseduar në telefon bashkë. Për herë të fundit kam folur në telefon në orën 19:45 të ditës që ndodhi ngjarja dhe e lamë për t’u takuar pas një ore dhe për të pirë një kafe. Por, ky takim nuk u bë kurrë pasi dora kriminale nuk na e lejoi”, shprehet në një intervistë për gazetën Panorama Vocaj.
Por, sipas tij, nuk arrijnë t’i mohojnë kurrë kontributin e jashtëzakonshëm që Artan Cuku ka dhënë gjatë karrierës së tij në Policinë e Shtetit. (E.K/SHUPLAKA)
Discussion about this post