“Telenovela” e mashtrimit në Durrës, a po gënjen Drejtori i Postës? 60 milionë lekë janë shumë…

Është kthyer në një telenovelë të vërtetë historia e maashtrimit të dyshuar mes të të reje nga Durrësi dhe Drejtorit të postës në Manzë të Durrësit.

Shifra 60 milionë lekë është e vështirë për t’u kapërdirë, pasi ashtu siç pyet dhe vetë Enertila: si mund t’ia japësh 60 milionë lekë një personi që nuk e njeh realisht.

Ndqrkohë që kanë dalë detaje të reja nga takimi i ish-çiftit virtual kur janë takuar përballë njëri-tjetrit për herë të parë në ambientet e Policisë së Durrësit.

Barush Ahmeti pretendon se dhuratat e tij dhe faturat e paguara për ndërtimin e shtëpisë së vajzës arrijnë në kuotën e 60 milionë lekëve të vjetër, shifër e hedhur poshtë nga 27-vjeçarja, e cila nuk pranon që i dashuri i saj virtual të ketë shpenzuar shifra të tilla përgjatë dy viteve njohje.

Policia ka bllokuar të gjitha sendet me vlerë të vajzës, duke filluar nga rrobat e shtrenjta e deri tek mobiliet shtëpiake.

27-vjeçarja ka pranuar në sy të tij se kishte marrë dhurata nga ai, por ka refuzuar që shifra e të gjitha shpenzimeve të kapte vlerën e 60 milionë lekëve të vjetër.

“Më ke blerë disa fustane, varse, vathë, ora, e bizhuteri të tjera. Ke paguar disa fatura për shtëpinë, por nuk mendoj se kapin shifrën e 60 milionëve. Kjo është e vërteta. Pastaj, sa i përket mashtrimit në ‘Facebook’, mbaj përgjegjësi unë. E kam pasur të vështirë të tregoja të vërtetën, pasi kisha frikë se mos lidhja jonë merrte fund. Nuk e kuptoj pse ndodhem në polici… Ti vetë m’i ke dhënë dhuratat dhe tani nuk e kuptoj pse e bëre kaq të madhe”.

Kjo ka qenë ajo çka 27-vjeçarja i ka thënë dje Barush Ahmetit në prezencë edhe të policisë. Ndërsa Ahmeti ka këmbëngulur se ajo po gënjen dhe se kishte shpenzuar për të shumën e 60 milionëve.

Ndërkohë policia dyshon që drejtori i Postës të ketë shpezuar plot 60 milionë lekë për të dashurën online, pasi edhe sendet e sekuestruara, duke filluar nga rrobatdhe bizhuteritë, janë të gjitha mall tregu.

Nuk hidhet poshtë hipoteza se Ahmeti po iu fsheh shpenzime të tjera familjare me pretekstin e mashtrimit të vajzës. 

(E.K/SHUPLAKA)