Deputeti demokrat Luçiano Boçi, ka reaguar pas propozimit të deputetit socialist, Ilir Beqja, për vendosjen e një takse për çdo televizor.
Demokrati Boçi, shkruan se ky është vetëm fillimi, pasi kjo qeveri mund të arrijë në përfundimin për të nxjerrë një taksë dhe për lavatriçe apo për frigorifer.
“Shqiptarët duhet të paguajnë taksë për çdo televizor . Pra i bie që n.q.s se Rama të del në shtatë televizorë, duhet ta paguash shtatëfish, se është fat i madh ky!!! Pastaj më vonë prit kur të na nxjerrin dhe taksë për lavatriçe, apo për frigorifer. Sepse këta janë ftohur mu në….atje ku thotë populli.
Po taksa e RTSH nuk është taksë televizori o korrupsioni! Është taksë për shërbimin publik që ofron RTSH publik, për sinjalin. Apo rrini e rrini ju e i fusni ndonjë taksë, me sloganin: “Hajt më, se mbajnë këta!”, shkruan Luçiano Boçi.
(F.G/Faxweb.al)
Discussion about this post