Nëse vendi ynë është përfshirë nga një valë të nxehti edhe më keq paraqitet situate në Europë. Ditët e fundit temperaturat kanë shënuar rekorde dhe në vendet e lindjes së Mesme.
Një ndër vendet që do goditet më ashpër është ishulli i Qipros, ku qeveria në pjesën turke ka vendosur t’ua ndalojë punëtorëve të punojnë për tri ditë mes orëve 12:00 dhe 16:00.
Ministria e Punës dhe Sigurisë Sociale në Qipron Turke ka urdhëruar që të mos punohet jashtë, nën diell, në oraret e drekës në datat 12, 13 dhe 14 korrik. Vendimi është marrë pas raportit për parashikimin e motit nga Instituti Meteorologjik.
Ministria, po ashtu u ka bërë thirrje të gjithë qytetarëve që nëse shikojnë punëtorë që thyejnë urdhrin të njoftojnë në numrin 102. (E.K/SHUPLAKA)
