“Tempulli” në Durrës, Gjykata dënon me burg 26 nga të arrestuarit

Gjykata e Durrësit ka përfunduar rivlerësimin e masës së sigurisë për 30 të arrestuarit në kuadër të operacionit anti-droge “Tempulli”.

Për 26 persona, gjykata ka rikonfirmuar masën e sigurisë arrest në burg, dy “detyrim paraqitje” dhe dy “arrest shtëpie”.

Gjithashtu Gjykata e Shkallës së Parë në Korçë ka vendosur masën “Arrest në burg” për 15 persona që u dolën sot para trupit gjykues.

Në total në Korçë u arrestuan 25 persona gjatë operacionit të koduar “Tempulli”. 10 prej tyre u njohën dje me masën “Arrest në burg”, ndërsa 15 të tjerët u gjykuan sot.

Sikurse, Gjykata e Vlorës, e cila ka lënë në fuqi masën shtrënguese të arrestit me burg për 13 persona që u paraqitën për vlerësimin e masës së sigurisë këtë të dielë, në kuadër të operacionit “Tempulli”.