Tender me rrisk “Flamur të Kuq”/ Fusha shpk merr dhe segmentin II të Shëtitores në Vlorë, u skualifikuan 3 ofertues më të ulët

“Fusha SHPK” është fituese e tenderit që do të ndërojë “Segmenti i II-të Shëtitorja Vlorë deri tek Tuneli”, ndërsa njoftimi është javën e fundit ndërkohë që gara është shpallur nga Fondi Shqiptar për Zhvillim në Gusht të 2019-ës.

Vlera e ofertës fituese është 385 173 305 lekë thënë ndryshe rreth 383 milionë lekë të reja. Në tender morën pjesë 6 kompani shqiptare dhe procedura është shënuar nga sistemi për Prokurime Transparente si tender me risk Flamur të Kuq pasi janë skualifikuar 3 konkurentë edhe me ofertë më të ulët.

(Shiko pasaportën)

“Fusha SHPK” ka fituar edhe  tendera të tjera për rikonstruksion bulevardi dhe shëtitoreje të shpallura nga Fondi Shqiptar për Zhvillim si:

1. Vazhdim i Shëtitores së Vlorës
2. Shëtitorja Naim Frashëri në Sarandë
3. Rikonstruksion i Bulevardit Vlorë
4. Ndërtim i Shëtitores Mak Albania Golem Kavajë
5. Rehabilitim i Gjelbërimit anësor dhe hyrje dalje në qendrat e banuara në segmenti Levan Kakavijë
6. Ndërtim i Shëtitores së Sarandës.

Pasaporta e kësaj shoqërie është e përditësuar të Open Corporates Albania

Ndërsa Lista e kontratave më Fondin Shqiptar për Zhvillim është publikuar tek Open Procurement Albania