Pas publikimit të lajmit se Autoriteti Portual Durrës do të ndërtojë në ambientet e portit një palestër. Ku sipas dokumentit të publikuar nga TPZ.al (Të Paekspozuarit) , objekti i tenderit është “blerje pajisje palestre” me një fond limit 7.250.000 lekë, reagon drejtori i Autoritetit Portual të Durrësit.
Ekskluzivisht për Dritare.net, Artjan Qirici thotë se tenderi është firmosur para se ai të merrte postin e drejtorit. Si edhe ky projekt synon t’i vijë në ndihmë forcave të sigurisë të Portit.
“Tenderi i veglave për palestër është në përmbushje të realizimit të planit të blerjeve të Plan Biznesit 2017 që ne po mbyllim. Unë jam me postin e drejtorit vetëm prej një muaj tashmë dhe jam i obliguar t’i përmbush realizimin e këtij plani, miratim dhe vendim i Këshilli Drejtues.
Unë ndodhem në mes të procedurës e cila ka filluar kohë më parë qoftë me vetë Plan Biznesin, por edhe me dokumentin e tenderit. Të cilat janë realizuar kohë më parë nga grupi i punës dhe të zbatim të plotë të APD-së.
Drejtori Ekzekutiv nuk bën asgjë në kundërshtim apo të pengojë realizimin e Plan Biznesit të aprovuar nga Këshilli Drejtues i Autoritetit Portual Durrës. Përkundrazi detyra jonë është të bëjmë më të mirën në zhvillimin e portit.
Blerja e këtyre veglave gjimnastikore janë në vazhdim të një projekti i cili ka filluar me krijimin e kushteve të një palestre moderne. E cila do të vijë në ndihmë të forcave të sigurisë të Portit (155 në total). Dhe në kuadër të përgatitjeve të përgjithshme, ne planifikojmë edhe qitje me pistoletë, por edhe një sërë normash të tjera në zbatim të “Internacional Standart of Ports Sicurity”. Të cilën prej vitesh tashmë jemi duke e zbatuar me sukses,”-thotë ai për Dritare.net.
Discussion about this post