Kryeministri Edi Rama vizitoi ditën e sotme ambientet e brendshme të Qendrës Spitalore “Nënë Tereza” në kryeqytet duke parë nga afër dëmtimet nga tërmeti.
Ai shoqërohej nga ministrja e Shëndetësisë, Agerta Manastirliu dhe pasi inspektoi dëmtimet, Rama përsëriti se këto punime janë bërë shkel e shko vetëm për të marrë tendera.
“Ç’e pyet. Shto ujë dhe shto miell, tendera, tendera. Tendera. Kjo është veprimtari inxhinierike armiqësore,” tha Rama.
Kryeministri tha tha gjithashtu se qeveria po punon për të lidhur një marrëveshje me një kompani turke që merret me ndërtime të banesave antisizmike dhe ekologjike, që kanë kosto të ulët.
Duke folur rreth kësaj kompanie, Rama theksoi se përveç shtëpive, të dëmtuara nga tërmeti, po shihet mundësia që ajo të ndërtojë edhe qendra shëndetësore.
Discussion about this post