Tenori Ylber Gjini tregon me lotësh sesi ra pre e grabitësve mëngjesin e sotëm. I përlotur Gjini tregon se makinën e blerë me kredi dy muaj më parë e kishte parkuar poshtë ballkonit të banesës së tij në zonën e Yzberishtit, ku 3 autorë të maskuar dhe të armatosur pasi i thyen njërin xham ia grabitën. I biri kishte ndjerë zhurmat dhe e ka njoftuar. Pasi dolën në ballkon ata panë grabotësit teksa po vidhnin.
“Në orën 2:54 dëgjoj zërin e çunit që po bërtiste në ballkon. Kur dal unë, i fundit që hipi në makinë nga të tre kriminelët me maska, me kobure, me pistoletë në dorë u fut në makinë”, thotë tenori për News 24.
Më tej ai tregon se nuk është hera e parë që e grabitin.
“Quhemi me fat shumë të madh që shpëtohemi nga jeta njëherë. Tani i bie që të punoj 10 vjet për ta shlyer makinën se e kam marrë kredinë për 10 vjet. I bie të punoj 10 vjet për hajdutin, krimnelin. Më kanë vjedhur biçikletën, më pas mora kredi, bleva motorin, ma vodhën edhe atë. Kam një bar kafe e kanë vjedhur tre herë edhe bar kafen, nga 3 apo 4 milionë lekë. Tani më vjedhin makinën. I bie që gjithë jeta të punosh për hajdutët, për kriminelët”, thotë Gjini mes lotësh. (J.V/Shuplaka)
