Partia që rezultoi fituese me 51 mandate në zgjedhjet parlamentare të mbajtura pak ditë më parë në maqedoni ka reaguar ashpër ndaj kritikave dhe shqetësimit të ndërkombëtarëve për protestat në Maqedoni.
VMRO-DPMNE ka publikuar pjesë të takimit me ambasadorin e SHBA-ve, ku biseda është vërtitur rreth mundësisë së koalicioneve paszgjedhore. Partia VMRO-DPMNE është shprehur se planet varen edhe nga partitë e tjera që ndikohen nga faktorë të jashtëm, por nuk ka folur konkretisht se për cilin faktor të jashtëm e ka fjalën.
“Puna juaj është vetëm të ndiqni situatën dhe t’i raportoni shtetit tuaj. Për ndihmën e deritanishme, faleminderit. Nuk ka dilema rreth anëtarësimit në NATO e BE dhe miqësisë me SHBA-të, por kjo nuk do të thotë se disa individë, partia apo shteti nuk mund të shprehin mospajtueshmëri me disa hapa që individë të caktuar që përfaqësojnë SHBA-të kanë ndërmarrë këto kohë”, citohet ndër të tjera në komunikatën e kësaj partie.
Nuk ka vonuar edhe reagimi me tone pak më të buta ndaj ambasadorit të Bashkimit Europian, Samuel Zhgobar. Në këtë regaim, VMRO-DPMNE shprehet se nuk ka pasur asnjë reagim nga BE kur u thyen zyrat e Presidentit: “U bënë 2 vjet protesta të opozitës, u thyen zyrat e presidentit, prona shtetërore dhe Brukseli e komuniteti ndërkombëtar nuk thanë një fjalë për to. Nuk mund të parashikojmë, pasi numri i qytetarëve të irrituar është i madh dhe revolta nuk do të kontrollohet plotësisht nëse institucionet nuk punojnë në bazë të ligjit.”
Discussion about this post