Gjendja në Maqedoni vazhdon të jetë e tensionuar pas zgjedhjeve të 11 Dhjetorit. Gjykata administrative ka urdhëruar rivotimin në një qendër-votimi në Tearcë pranë Tetovës, që mund ta ndryshojë rezultatin e përgjithshëm të zgjedhjeve, në dëm të partisë VMRO-DPMNE.
Kjo e fundit thotë se nuk do të marrë pjesë në rivotim e as nuk do ta njohë rezultatin. Gjendja e tensionuar ka shqetësuar komunitetin ndërkombëtar, pas retorikës kërcënuese ndaj disa ambasadorëve perëndimorë.
Rivotimi në Tearcë të Tetovës, i caktuar për më 25 dhjetor, mund të ndikojë, sipas analistëve, në shumë aspekte, si të politikës, por dhe të sigurisë. VMRO-DPMNE edhe sot ka ritheksuar se nuk do të marrë pjesë në rivotim në Tearcë. VMRO-ja nuk do të njohi as rezultatin në këtë zonë, ashtu siç ka paralajmëruar.
Për pasojë, ajo mund të organizojë protesta dhe kjo do ta thellonte krizën. Zgjedhjet e parakohshme të 11 dhjetorit, ndërkohë, kishin për qëllim t’i japin fund krizës dy vjeçare që u shkallëzua me publikimin e bisedave të përgjuara telefonike sidomos të zyrtarëve të lartë qeveritarë. Ndërkohë që ish-kryeministri Gruevski pak ditë më parë iu kërkonte ambasadorëve të mos përfshiheshin në punët e brendshme të Maqedonië. Madje aktivistët në protest mbanin në duar pankarta “Ambasador Bejli larg duart nga Maqedonia”.(E.K/SHUPLAKA)
