Një situatë tensioni është regjistruar sot para selisë së Federatës Shqiptare të Futbollit (FSHF), ku aktivisti Gent Progni organizoi një protestë simbolike duke vendosur flamuj të Ushtrisë Çlirimtare të Kosovës (UÇK) në kangjellat e institucionit.
Teksa Progni po vendoste flamujt, një civil ndërhyri duke e penguar dhe tentuar t’i hiqte ato. Sipas informacioneve nga vendngjarja, personi në fjalë dyshohet të jetë i një kompanie private sigurie, edhe pse nuk mbante uniformë apo identifikim zyrtar. Ai kundërshtoi publikisht vendosjen e flamujve, duke thënë se më herët edhe policia kishte ndërhyrë për të hequr një flamur të UÇK-së nga po i njëjti vend.
Përplasja ka qenë verbale. Momenti është filmuar dhe videot po qarkullojnë në rrjetet sociale, ku kanë ngjallur reagime të shumta, përfshirë kritika ndaj ndërhyrjes në një akt simbolik që ka ngarkesë historike dhe emocionale për shumë qytetarë.
Gent Progni nuk ka dhënë ende një prononcim zyrtar pas incidentit.
