Tensione në Dibër, socialistët i ankohen Olta Xhaçkës, pse po ndahet tepsia me PDIU-në

Në mbledhjen e sotme të socialistëve në qytetin e Dibrës, ka pasur tensione të shumta mes anëtarëve, raporton ”Fax News”. 

Shkak për këtë janë bërë shqetësimet e anëtarëve të bazës socialiste, të cilët thonë se vendet e punës po merren nga përfaqësuesit e PDIU-së. Kountributi që ata kanë dhënë për partinë nuk u është kthyer pas. 

Në mbledhje ka qenë e pranishme edhe koordinatorja e Dibrës për PS-në, Olta Xhaçka si dhe kreu i Bashkisë Muharrem Rama.

Duhet thënë se pavarësisht se nuk ka një marrëveshje të shkruar mes PS-së dhe PDIU-së, në disa zona marrëveshja e ndarjes së tepsisë funksionon ende.

Deputetja e PDIU-së në Dibër, Reme Lala e ka shprehur që në marrjen e mandatit mbështetjen e saj për qeverinë e Edi Ramës.

Momenti i vetëm kur PDIU votoi kundër qeverisë Rama ishte zgjedhja e kryeprokurores së re të vendit Arta Marku. 

(E.K/FAXWEB)