Tensione në Maqedoni, plagoset me armë zjarri kandidati shqiptar për këshilltar në Komunën e Kërçovës (VIDEO)

Në prag të zgjedhjeve lokale në Maqedoni, situata duket se është tepër e tensionuar.

Gjatë mbrëmjes së sotme kandidati i pavarur shqiptar për Komunën e Kërçovës, Alit Abazi është plagosur me armë zjarri nga persona ende të paidentifikuar.Ngjarja ka ndodhur në Kërçove dhe përveç kandidatit Alit Abazi i plagosur ka mbetur edhe Shefi i shtabit të tij Destan Abdiu.

 Të plagosurit janë dërguar në spital për ndihmë mjekësore. Forca policie kanë mbërritur në vendngjarje dhe kanë nisur hetimet.

Ndërkohë ende nuk dihen shkaqet e kësaj ngjarje, por paraprakisht dyshohet se ngjarja ka prapavijë politike.

(S.SH/Shuplaka)