12 persona janë shoqëruar mëngjesin e sotëm pas tensioneve që u shënuan mbrëmjen e djeshme në Dibër, pranë ambienteve të KZAZ-së nr. 19. Burime bëjnë me dije se numri i të shoqëruarve pritet që të rritet, dhe një pjese të tyre do iu komunikohet masa e arrestit.
Nga përplasjet mes qytetarëve dhe punonjësve të policisë, 7 policë mbetën të lënduar nga gazi lotsjellës që u hodh nga kolegët e tyre.
Kujtojmë se, përplasjet në KZAZ erdhën pas protestave ku militant të Partisë Demokratike e qytetarë kërkonin të hynin me forcë në KZAZ-në 19 me qëllim shkatërrimin e materialeve zgjedhore për të pamundsuar zgjedhjet e 30 Qershorit.
Protestuesit u përplasën ashpër me policinë, e cila për të ulur tensionet dhe shpërndarë turmën ka përdorur sasi të mëdha gazi lotsjellës.
Ndërkohë, tensione të ashpra mes policisë dhe protestuesve janë shënuar edhe në KZAZ-të e Burrelit, Klosit e Bulqizës, ndërsa pritet që protestat të vijojnë edhe ditën e sotme.
(E.K/Faxweb.al)
Discussion about this post