Pas përplasjes Luan Rama-Saimir Tahiri për raportin e DASH, një tjetër deklaratë e fortë kundër aleates në koalicion vjen deputeti i PS-së Piro Lutaj.
Lutaj paralajmëron një fushatë të ashpër zgjedhore, e cila sipas tij do të jetë prova më e mirë për të “vegjlit e ‘e mëdhenj’, por edhe për të mëdhenjtë ‘e vegjël’”.
“Të dashur miq e kolegë! Na duhet shumë punë e përkushtim për 18 Qershorin, të tjerat venë dhe vijnë! Fushata do të ketë shumë e ashpër! Kjo do të jetë prova më e mirë, për të vegjlit ‘e mëdhenj’, por edhe për të mëdhenjtë ‘e vegjël’. Kështu e kuptoj unë këtë postim të Saimirit!”, deklaron Lutaj.
Pas deklaratës për shtyp të kreut të grupit Parlamentar të LSI-së Luan Rama, i cili shprehu shqetësimin për raportin e Departamentit Amerikan të Shtetit për kanabizimin e vendit, ministri i Brendshëm Saimir Tahiri, zyrtarisht ende në detyrë, reagoi ashpër përmes një shkrimi në Facebook.
Ai iu drejtua Luan Ramës me fjalët “zëdhënës i LSI-së”, “Përshëndes Lëvizjen Socialiste për Integrim, apo “lexim i pasaktë i raportit”. (D.D/Shuplaka)
Discussion about this post