Rreth 13 persona janë ndaluar në Tropojë, pas tensioneve të krijuara paraditen e sotme duke hyrë në KZAZ-në numër 9 duke larguar materialet zgjedhore.
Lajmin e bën me dije kreu i Partisë Demokratike për Tropojën, Xhevdet Hoxha i cili shprehet se 13 shtetasit e ndaluar nga policia ndodhen tashmë në ambientet e komisariatit të Tropojës.
Sipas Hoxhës, forca të shumta policie kanë zbarkuar në qytetin e Bajram Currit dhe fshatrat përreth duke vijuar punën për ndalimin e të tjerë personave.
Kujtojmë se, disa persona kanë hyrë në mjediset e KZAZ-së numër 9 duke marrë materialet zgjedhore, kur një turmë me dhjetra banorë nën thirrjet “Rama ik”, po protestonin ditën e sotme në mbështetje të vendimit të Presidentit për shtyrjen e zgjedhjeve.(Lexo këtu)
Discussion about this post