Publicisti Agim Krasniqi, i ftuar në Faxnews ka analizuar situatën pas tensioneve në Veri të Kosovës.
Në një intervistë për moderatoren Dea Devishi, ai u shpreh se ndërkombëtarët nuk duhet të bien pre e strategjive të Beogradit që mund të çojnë në destabilizimin e Kosovës.
Ai tha ndër të tjera se është shumë e vështirë të arrish në një marrëveshje me Serbinë teksa shtoi se diplomacia ndërkomëtare apo aleatet strategjik duhet ta mirëkuptojnë qeverinë aktuale të Kosovës dhe ta mbështesin në funksion të zbatimit të ligjshmërisë dhe kushtetueshmërisë dhe shtrirjes së sovranitetit në atë pjesë.
Krasniqi: Serbisë i përshtatet status quo por nderkombëtarët nuk duhet të bien pre e politikës së Beogradit, sepse jemi mësuar me destruktivitetin e shtetit të Serbisë në raport me përpjekjet e ndërkombëtarëve dhe shtetit të Kosovës për një konsolidim të raporteve ndërshtetërore që do sillte në një marrëveshje eventuale mes dy shteteve dhe se për dallim nga shteti serb, ne jemi të interesuar që të ketë një marrëveshje sa më të shpejt të jetë e mundur, por nuk duhet ti paraprijë përpjekjeve të Serbisë për ta destabilizuar shtetin e Kosovës me kërkesa që dalin jashtë cdo norme ndërkombëtare për ndonje minoritet që është minor në Kosove dhe pretendohet të krijohet një subjekt politik që në periudha të caktuara do e zhbënte shtetin e Kosovës.
Faktori ndërkombetar e mbështet Kosovën në këtë proces. Edhe zgjedhjet që u mbajtën për kryetar të komunave në veri të Kosovës ishin të pranueshme nga shtetet e QUINTI-t dhe SHBA, Kosovën duhet ta mbështetnin edhe në legjitimimin e ketyre zgjedhjeve dhe duke i vënë këta kryetar në shërbim të qytetarëve.
Diplomacia ndërkombëtare apo aleatët tanë strategjik që deri tash kemi ecur në ndërtimin e Kosovës ta mirëkuptojnë qeverinë aktuale dhe ta mbështesin në funksion të zbatimit të ligjshmërisë dhe kushtetueshmërisë dhe shtrirjes së sovranitetit në atë pjesë.
Discussion about this post