Tensionet në Veri të Kosovës/ Protestuesit serbë sulmojnë me gurë ekipin e gazetarëve

Një ekip gazetarësh të Kosovës nga media KohaTV, janë sulmuar me gurë nga një grup protestuesish serbë në veri të Kosovës.

Si pasojë e sulmeve janë thyer xhamat e automjetit me të cilnin lëviznin gazetarët ndërsa këta të fundit fatmirësisht nuk kanë pësuar lëndime pasi kanë qenë disa metra më larg automjetit kur janë hasur me sulmet e grupit prej 40 protestuesish të maskuar.

Kujtojmë se mesditën e sotme në të 4 komunat me shumicë serbë në veri të Kosovës, u dëgjuan sirena alarmi, ku para objekteve komunale në Zubin Potok, Zveçan dhe Leposaviç u mblodhën edhe qytetarë.

Situata është agravuar ndërsa janë dëgjuar të shtëna me armë zjarri, është hedhur gaz lotsjellës nga policia për të shpërndarë protestuesit të cilët kanë djegur edhe makina.

Kjo protestë po bëhet në shenjë revolte nga protestuesit serb kundrejt kryetarëve të rinj shqiptarë të zgjedhur në katër komunat me shumicë serbe.