Eurodeputeti dhe raportuesi për Shqipërinë, Knut Fleckenstein, pas takimeve që ka zhvilluar me liderët politikë në Shqipëri, lidhur me situatën e tensionuar politike në vend, ka folur për mediat.
Fleckenstein ka theksuar rëndësinë që kanë muajt në vijim në hapjen e negociatave për Shqipërinë me BE-në.
Eurodeputeti ka thënë se Vettingu ka filluar, dhe marrë shkas nga deklaratat e Ramës se Shqipëria kërkon hapjen e negociatave jo si dhuratë por si meritë, Fleckenstein ka thënë se rekomandimi nuk është një shpërblim për qeverinë shqiptare.
“Ky 6 mujor shumë i rëndësishëm.Presim nga komisioni një rekomandim të qartë, jo të kushtëzuar.Kërkohet rekomandim i qartë pasi është bërë punë.Vettingu është një nga reformat që ka filluar. Rekomandimi nuk është një shpërblim për qeveritë. Opozita është në favor të rekomandimit për Shqipërinë.”-është shprehur raportuesi për Shqipërinë.
I pyetur nga gazetarët për protestën e Kukësit dhe çështjen e tarifës në Rrugën e Kombit, Fleckenstein ka thënë se këto protesta nuk kanë lidhje në vlerësimin që do japë BE për Shqipërinë.
“Protestat e opozitës nuk do të ndikojnë në rekomandim. Protestat janë pjesë e demokracisë. Njerëzit kanë të drejtë të protestojnë por pa përdorur dhunë. Veprimi i qeverisë, politikë e brendshme. Në vendin tim nuk do të ndaloja asnjëherë trafikun pasi ndryshe do më vrisnin.”-ka thënë Fleckenstein.
(F.G/Faxweb.al)
