Prokuroria e e Përgjithishme e Stambollit ka prova që vërtetojnë se tetë ushtarakët turq, që u arratisën me helikopter nga Turqia për në Greqi pas tentativës për grusht shteti, janë përpjekur të vrasin presidentin Recep Tayyip Erdogan.
Mbrëmjen e 15 korrikut, 4 nga ushtarakët e arratisur kanë biseduar në telefon me disa prej komandove në Marmaris, që do kryenin atentatin për eliminimin e presidentit Erdogan. Në Marmaris po pushonte me familjen presidenti turk.
Pas dështimit të planit, tetë ushtarët morën peng një helikopter dhe u larguan për në territorin grek, ku bënë kërkesë për azil politik.
Mediat turke kanë publikuar edhe minutat e bisedave telefonike, si dhe emrat e ushtarakëve dhe të bashkëbiseduesve të tyre.
Sipas “Hurryet”, të dhënat pritet t’i dërgohen organeve gjyqësore greke. Kështu, ushtarët e arratisur mund ta kenë punën pisk tanimë, pasi mund të akuzohen si bashkëpunëtorë të puçistëve. Deri më tani drejtësia greke nuk ka patur prova, kështu që ata patën shpëtuar por mesa duket jo për shumë gjatë.
Gjykata greke e Apelit në Turqi dha dy vendime të ndryshme para një muaji për ushtarakët turq.
Për 5 prej tyre u vendos se nuk duhet të dorëzohen tek organet turke, ndërsa për 3 të tjerët që duhet të dorëzohen. (D.D/Shuplaka)
Discussion about this post