Nënkryetari i partisë Demokratike, Edmond Spaho ka folur nga Elbasani për planin antiKÇK që ka propozuar kryeministri Rama për luftën ndaj krimit të organizuar. Sipas Spahos, Kryeministri ka pasur kohë 7 vite të luftonte korrupsionin dhe krimin e organizuar, por nuk mund ta bënte këtë se ka qënë pjesë e kësaj skemë. Sipas nënkryetarit e gjitha është një tentativë për të bllokuar ngritjen e Spakut dhe Burosë Kombëtare të Hetimit.
“Ka pasur thuajse 7 vite në dispozicion të luftonte korrupsionin dhe krimin e organizuar, por nuk ka mund ta bënte këtë se ka qënë pjesë e kësaj skeme. Shqipëria sot është përzjerje e oligarkisë, e kriminelëve, e të korruptuarve me pushtetin ekzekutiv që përfaqësohet nga vetë Edi Rama. Për rrjedhojë, çdo përpjekje e tillë nuk është veçse në të vërtetë tentative për të penguar ngritjen e Spakut dhe Byrosë Kombëtare të Hetimit, ose për të vonuar sa të jetë e mundur bërjen efektive dhe luftës reale ndaj këtyre fenomeneve që janë karakteristikë e kësaj mazhorance”.
Pyetje: A do ta përkrahë PD , Ilir Metën në 8 dhjetor mbrojtjen e Kushtetutës?
Edmond Spaho: Është një nga të rëndësishmet. Rreferendumi është forma më e mirë e shprehjes së vullnetit të qytetarëve. Madje kemi pasur shembuj në të shkuarën ne vitin 1994 dhe 1998 kur janë organizuar referendume për të miratuar kushtetutën. Në këtë kuptim çdo inciative për të marrë në konsideratë vullnetin e qytetarëve është i mirëpritur dhe do të mbështetet nga PD.
Discussion about this post