Partia LIBRA me në krye Ben Blushin ka reaguar ndaj kërkesës së Partisë Socialiste dhe Lëvizja Socialiste për Integrim, të cilat së bashku i kanë kërkuar përmes një letre Komisionit Qendror të Zgjedhjeve që të shtyjë afatin e regjistrimit të koalicioneve në zgjedhje.
Në reagimin e saj, LIBRA shprehet se bëhet fjalë për një tentativë për të mbyllur llogaritë e koalicionit, një kërkesë antiligjore që s’mund të ketë asnjë efekt. Gjithashtu, LIBRA shprehet se nga kjo kërkesë dëshmohet varësia politike e KQZ-së.
“Është tentativë për të mbyllur llogaritë e koalicionit. Të shtysh reagimin është si të shtysh zgjedhjet, është një kërkesë antiligjore që nuk mund të ketë asnjë efekt. Komisioni Qendror i Zgjedhjeve nuk e ka tagrin të shtyjë një afat të Kodit Zgjedhor. Nga kjo kërkesë e tyre dëshmohet varësia politike e KQZ-së.”
(XH.A/SHUPLAKA)
