“Tentativë vetëvrasje”, Noizy: Në burg nuk lejohet rripi dhe as lidhëse këpucësh për të bërë vetëvrasje

Në një deklaratë, Ministria e Punëve të Jashtme ka cilësuar si shkak për gjendjen e Florencit një tentativë vetëvrasjeje, pasi edhe në qafën e tij, dallohet qartë shenja e një laku.

Pas kësaj deklarata ka reaguar dhe reperi shqiptarë Noizy, i cili shprehet me anë të një postimi në Instagram se në burg nuk lejohet as rripi as lidhëse këpucësh për të bërë vetë vrasje dhe se ai bëson se gardianët e burgut e kanë keqtrajtuar Florencin dhe duan ta mbyllin çështjen sa më para.

“Ne burg nuk lejohet rripi dhe as lidhse kepucesh per te ber vetë vrasje, une besoj se gardianet e burgut e kan keqtrajtuar Florencin dhe duan ta mbyllin çeshtjen sa më para. Lutuni per Florencin, se vetem lutja ka mbet”

25-vjeçari shqiptar Florenc Beqiraj i cili prej më shumë se tre ditësh, ndodhet në vdekje klinike në një spital në Marsejë, pasi u gjet në burg në gjendje të rëndë. Sipas të afërmve të tij, Florenci është masakruar në burg nga të burgosurit e tjerë, pasi në një telefonatë me kushërirën, ai kishte thënë se personat rreth tij nuk ishin njerëz të mirë.(M.Q/Faxweb)